सुदूरपश्चिममा विश्वासको मतका लागि बोलाइएको बैठक स्थगित
वैशाख २१, २०८१ | धनगढी
सुदूरपश्चिमका मुख्यमन्त्री दीर्घबहादुर सोडारीले विश्वासको मत लिन आव्हान गरिएको बैठक स्थगित भएको छ ।
एमालेले आजको तालिकामा विश्वासको मत नदिने बताएपछि पूर्वनिर्धारित प्रदेश सभा बैठक स्थगित भएको हो ।
प्रदेश सभा सचिवालयले अर्को बैठक भोलि अपरान्ह साढे ५ बजे बस्ने सूचना जारी गरेको छ । एमाले संसदीय दलका नेता राजेन्द्रसिंह रावलले विश्वासको मत दिनुअघि मुख्यमन्त्री सोडारीसँग आवश्यक छलफल नभएकोले आज मत दिन तयार नभएको बताउनुभयो ।
बैशाख ६ गते एकीकृत समाजवादीका सोडारी एमाले, माओवादी केन्द्र, नागरिक उन्मुक्ति (रंजिता समुह) र स्वतन्त्र सांसदको समर्थनमा मुख्यमन्त्री नियुक्त हुनु भएको थियो ।